Minangkabau VS Minang Posted by mamBang on 02:18 No comments

Al kisah tajuk di ateh, dikombangkan untuk suku² Minangkabau yang ado kek N. Sembilan(N9) bukan untuk mereko yang ado di ranah Minang Sumatera. Woghieh kek N9 tontu tau kisah Minangkabau. Mongakla kalau indak tau. Tapi raso eh indak ramai tau apo tu Minang. Esey dah tanyo kek duo tigo sedaro indak tojawab dek eh.

Minangkabau nih fasa keduo. Crito pasal Kobau yang Monang. Tapi sebolun Minangkabau dah ado Minang. Itu deh fasa petamo eh. Kalau nak tau pasal Minangkabau ado Esey storian. Buleh baco kek sinan. Tajuk eh jo begoga. Sbona eh Esey nak cito pasal Minang jo. Apo tu Minang. Kok urang awak dari ranah Minang raso eh buleh jawab. Tak ramai kek N9 yang buleh. Yang roti jawab cumo Minang tu adolah Monang. Dalam bahaso stended eh ‘MENANG’. Tapi apo yang Monang?

Ponah donga indak kieh? – ‘Alon yo lahir Muhammad, ranah Minang dah lamo Islam’. ‘Adat besondi syarak, syarak besondi kitabullah’. Camano tuh? Ponah baco tak cito Iskandar Zulkarnain(Iskandar) dalam Surah Al Kahfi? Ponah perasan tak apo sobab eh dalam satu keluargo tu ado yang kulit golap dan ado yang kulit torang. Tu smuo eh ado kaitan ngan Minang.

Memang boto Minang tu Monang. Jadi urang Minang ni adolah urang yang Monang. Persoalan eh apo yang monang. Sbolun Esey cito apo yang Monang, Esey nak citoan susur jalur urang-urang Minang. Mano asal eh. Cito yang Esey kutip dari pepatah ‘Alam Takambang juo guru’.

Ado duo kelompok asal urang Minang. Yang petamo memang asal kek Sumatera nun sojak lopeh Banjir Gadang dari susur jalur kaum Nabi Nuh. Contoh eh dari suku Sikumbang. Keduo dari kedatangan angkatan yang dipimpin Iskandar. Macam beso sebolun tibo Iskandar, urang asal ranah Sumatera ado yang sombah pokok, batu, dan memacam laie. Seperti yang dikaba an dalam Al Kahfi, mano yang bogek, bega dilunggah eh, mano yang nak turut diamankan eh. Maklumla ‘orang yang gagah pekaso’. Bukan Esey yang kato, Allah yang kato dalam Quran tu.

Pasal eh ramai suku kaum di daerah Sumatera tuhaa. Ado suku yang turut seroto dalam angkatan Iskandar dari berbagai negaro, dari berbagai negori dari berbagai daerah. Bercampur pulak ngan urang-urang asal Sumatera. Kalau tengok roman urang Minang sekarang, ado yang kulit putih macam urang eropah, ado yang mato sepet macam urang cino, ado yang logam macam urang india. Ado yang hidong mancung macam urang arab. Tapi bilo sumo eh dah becampur begaul, jadilah urang Minang. Tak cayo? Cubo tengok, dalam keluargo tu ado yang kulit sawo matang tesolit pulak yang kuning langsat. Boto tak?

Tapi tu sumo eh crito pasal percampuran urang eh. Bolun yo laie Minang. Cumo eh dari situ terobit eh suku-suku kaum tadi. Jadi apo tu Minang? Sapo yang monang? Indak ado sapo yang monang. Yang monang cumo yang Satu. Suku-suku kaum yang banyak tu kalau pogang yang Satu tulah yang monang. Suku-suku kaum tu bersatu menjadi monang. Jadi apo deh yang monang. Urang awak yang pogang ugamo Tauhid. Itu yang monang. Bilo lamo-lamo jadilah Minang. Ugamo Tauhid yang dibawak oleh Iskandar tuhaa. Itulah Kalimah Tauhid. Indak ado maso tu Kalimah Rasul. Itu sobab eh kelua pepatah ‘Alon yo lahir Muhammad, ranah Minang dah lamo Islam’.

Allah Maha Kuasa, Makhluk Langsung Tiada Kuasa. Woghieh, sesungguhnya dalam ugamo Tauhid yang dibawak oleh Iskandar bersanadkan dari Nabi Ibrahim membawak kemonangan. Di luar Tauhid indak ado kemonangan.

Apo deh Minang? Kemonangan bilo urang awak bejayo menyediokan diri eh umpuk menogak an KALIMAH LA ILAHA ILLA ALLAH, kito mati ngan membawo iman kepado Allah s.w.t. Itulah deh asal Minang. Tapi hari ni Esey tengok ramai yang Minangkabau dari Minang. Tak cayo? Pokok dek kaulah.

Read More »

Ayam Den Lapeh Posted by mamBang on 05:19 No comments

Sebuah lagu minang yang paling fofuler kek Malaysia, itu yang eSey rasolah. Tau tak makno sobalik lagu nih. Buek urang Minang N9, raso eh ramai yang tau tapi lobih ramai yang tak tau. Apo kisah ayam pulak jadi kegomaran urang awak. Ahaa, nih nak kobakan, sbona eh urang minang nih banyak naa kieh he, bukan pasal ayam doh. Pasal hati merano yang dikoja tak dapek yang dikendong beciciran. Tulaa deh.

Luruihlah jalan Payakumbuah
Babelok jalan Kayu Jati
Dima hati indakan rusuah
Ayam den lapeh, ohoi … ayam den lapeh

Mandaki jalan Pandaisikek
Manurun jalan ka Biaro
Dima hati indak maupek
Awak takicuah, ohoi … ayam den lapeh

Sikua capang sikua capeh
Saikua tabang sikua lapeh
Tabanglah juo nan karimbo
Ai lah malang juo

Pagaruyuang jo Batusangka
Tampek mandaki dek urang Baso
Duduak tamanuang tiok sabanta
Oi takana juo

Den sangko lamang nasi tuai
Kironyo tatumpah kuah gulai
Awak ka pasa alah usai
Oi lah malang denai

O hoi … ayam den lapeh
O hoi … ayam den lapeh

Meh eSey uleh saketek lagu nih. Memulo mari eSey cito an pasal tompek² kek ranah Minang tuha. Memang kek Paya Kumbuh tu jalan eh luruih bebona. Boleh nampak ujung eh. Kendian sampai kek Kayu Jati osah bebelok jalan eh. Padangsikek mendaki jalan eh, Biaro menurun pulak. Ado pulak Pagaruayuang, Batu Sangka samo Baso. Tu sumo eh namo tompek kek sinan.

Lopeh tu cito pasal ayam. Apo ayam pulak. Kieh jo tu. Gepren eh tu. Hati penyanyi nih rosah gelisah. Asik tekonang an gepren eh. Bukan satu doh. Duo gepren eh. Yang gadang ngan yang cinonit. Tompi keduo eh melopeh. Malang raso eh nasib eh hilang ontah ko mano. Tu yang asik tekonang jo. Gholo dek eh.

Tula deh kiasan urang Minang. Dikait an pado ayam. Iyo tak nih?

Read More »

Menggalas Adat Minang Posted by mamBang on 15:33 1 comment

Pepatah Minang

Barek samo dipikua, ringan samo dijinjiang

Bakato bak balalai gajah, babicaro bak katiak ula.
Suatu pembicaraan yang tidak jelas ujung pangkalnya.

Bak ayam lapeh malam, bak kambiang diparancahkan.
Seorang yang kehilangan pedoman hidup serta pegangan, berputus asa dalam sesuatu.

Bak kabau dicucuak hiduang umpamo langgau di ikua gajah.
Seseorang yang selalu menurut kemauaan orang lain, tanpa mengeluarkan pendapat hatinya

sumber : lobaipas.blogspot.com

Elok nagari dek panghulu, elok tapian dek nan mudo, elok masajik dek tuanku, elok rumah dek bundo kanduang.

Baik suatu negari karena pimpinannya, begitupun Masjid, tepian karena pemuda pemudi yang tinggi budinya

Walupun begitu, hanya golongan tertentu saja di N.Sembilan yang masih mengekalkan adat pepatih..iaitu golongan adat dan yang mempunya jawatan dalam adat tersebut, seperti Yam Tuan, Lembaga, Buapak dan sebagainya. Bagi golonga muda yang kebanyakan telah terdedah dengan arus permodenan malah pemahaman yang lebih baik tentang Agama, maka adat tesebut telah semakin dilupakan. Jika ada sekalipun contohnya pada upacara perkahwinan, dijemput juga ketua adat tersebut sebagai menghormati mereka.

Tidak dinafikan adat pepatih sebenarnya adalah diambil dari hukum islam itu sendiri. Kecuali beberapa perkara ditambah untuk kesesuaian dan untuk kebaikan mengikut suasana ketika itu.

Cuma yang tidak berapa betulnya, Agama telah dijadikan adat, maka setiap perbuatan yang bersandarkan adat dengan sendirinya telah tertolak. Walau ia dicedok dari agama Islam itu sendiri, sebagai orang islam, kita mestilah melakukan sesuatu kerana ia adalah suruhan agama dan bukan suruhan adat.

Maka pepatah yang mengatakan biar mati anak jangan mati adat perlu dikaji semula..

Malah prinsip adat pepatih yang mengatakan 'lelaki menyandang saka' perlu diperjelaskan lagi kerana menurut kefahaman kini, saka adalah Jin belaan keturunan yang menyesatkan.

Ramo-ramo sikumbang jati

Katik endah pulanga bakudo

Patah tumbuah hilang baganti

Pusako lamo baitu pulo

Bak kato pantun bebudak mudo pilah..

Kobau tuo ilang di sawah,

Urang kampung pueh menchaghi,

Kok ekau tokan kepalo kobawah,

Sahlah ekao la kobau yang den caghi..heh heh

ekao ngan kobau samo yoo... padan muko pado sapo yang baco..

'bajalan paliharolah kaki, bakato paliharolah lidah'

Gilo boto satu hari suntok den nak siap an tajuk nihh.. intenet macam hampeh.. ponek den. Ghaso nak toghojun yo lam sawah.. bekubang sobolah kobau..

'Aia diminum raso duri, nasi dimakan raso sakam.'
air diminum rasa duri, nasi dimakan rasa sekam.

Buruak muko camin dibalah
buruk muka marahkan cermin

SALAM JO SAMBAH KAMI

Kapado niniak mamak yang gadang basa batuah,pucuak bulek jo urek tunggang,
Nan gadang diajuang tinggi diamba gadang.
Kapai tampek batanyo, ka pulang tampek babarito.
Nan bak umpamo kayo gadang di tangah koto.
Urek nanbuliah tampek baselo, batang gadang tampek basanda.
Dahan kuek buliah bagantung,
Daun rimbun buliah balindung,
Buah labek dapek dimakan. Tampek balindung kapanasan,
Tampek bataduah kahujanan. nan bakato bana.
Aiei janiah sayaknyo landai, ikan jinak hukumnyo adie.
Ka ampek suku dinagari, nan manjunjuang sako adat,
Bilo maulana jo tuangku, nan tahu dihalal jo nan haram,
Sarato sah jo nan batua, suluah dendang adat limbago.
Hulu balang jo ampang limo, jo manti pagawai adat,
Nan bak umpamo pagaran kokoh. Cadiak jo tahu pandai,
Nan arief bijaksano, tahu diangin nan basuruik,
Tahu diombak nan basambuang, sarato dahan kamaimpok,
Runciang kamancucuak, tahu dialamaik kato sampai,
Alun bakilek lah bakalam, takilek ikan dalam aiei,
Ikan takilek jalo tibo, tantu jantan batinonyo.
Nan mudo pambimbiang dunie,
Nan capek kaki ringan tangan,
Capek kaki indak panaruang, capek tangan indak mamacah,
Aso tarantang duo sudah, nan bahati suci bamungko janieh,
Nan tahu dimalu jo sopan, sarato raso jo pareso,
Ancang ancang dalam nagari. Sarato kapado bundo kanduang,
Limpapeh rumah nan gadang,
Sumarak dalam nagari hiasan dalam kampuang,
Nan gadang basa batuah, kaundang-undang ka Madinah,
Kapayuang panji kasarugo.
Sarato jo urang banyak,
Nan tidak baimbau namo sarato basabuik gala,
Nan dilingkuang barieh jo balabeh, didalam cupak jo gantang,
Dikanduang adat jo pusako. Ujuik tujuan buah rundiang,
Sakiro paham dikahandaki, bahubung jo maso nan ditampuah,
Musim nan tumbuah iko kini, syariatnyo ado bahakikat,
Lahieh kulik manganduang isi. Lahieh manjadi buah ama,
Dek enggeran sako nan tatagak, Koto aman alam santoso,
Salamaik korong jo kampuang, nak aman anak kamanakan.
Dunia buliah akhirat dapek, sinan mardeko mangkonyo panuah.
Curai jo paparan, bukan mahunjuak maajari.
Hanyo sakadar calak calak ganti asah.
Kok salah mintak dibatua kan, kok panjang mintak dikarek,
Senteng mintak dibilai, kok kurang mintak ditukuak.
Karano ulemu di Tuhan tasimpanyo. Kito nan bukan cadiak pandai.

Read More »

Suku Keluarga Woghieh Posted by mamBang on 14:59 No comments

Di Negeri Sembilan terdapat 12 suku atau keluargo dinyatokan dalam sobuah gurindam yang berbunyi

Raja beralam, Penghulu berluak, Lembago berlingkungan, Buapak beranak buah, Anak buah duduk bersuku-suku, Berapo sukunyo? Dua Boleh!

Suku Biduanda/waris (dondo)
Batu Hampar (Tompar)
Paya Kumbuh (Payo Kumboh)
Mungkal
Tiga Nenek
Seri Melenggang (Somolenggang)
Seri Lemak (Solomak)
Batu Belang
Tanah Datar
Anak Acheh
Anak Melaka
Tiga Batu

Apakah Adat Pepatih

Adat dipakai baru, jiko kain dipakai usang

Adat Pepatih berasal dari Ranah Minangkabau, Sumatera, diasaskan oleh sorang pemimpin Minang benamo Sutan Balun yang bergola Dato' Pepatih Nan Sebatang. Adat ini adolah amalan dan peraturan hidup yang ditontukan bagi masyarakat Minangkabau yang rato-rato eh adolah petani ketiko itu. Tak ado tarikh yang topek dicatatkan bilo adat ni diwujudkan. Tetapi Adat Pepatih dibawo ko Semenanjung Tanah Melayu (Semenanjung Malaysia) oleh perantau-perantau Minangkabau pada abad ko 14 Masehi.

Di Malaysia, Adat Pepatih ini masih lagi wujud dan diamalkan oleh masyarakat Melayu di Negeri Sembilan dan sebahagian dari Melaka terutamanya Masjid Tanah. Majoriti mereko adalah keturunan Melayu Minangkabau.

Rang gadih mangarek kuku
Pangarek pisau sirauik
Paruik batuang tuonyo
Batuang tuo elok ka lantai
Nagari ba ampek suku
Dalam suku babuah paruik
Kampuang banan tuo
Rumah batunganai

(anak gadih memotong kuku, dikarek ngan pisau siraut, pisau siraut peraut botung tuo, botung tuo baik untuk lantai, nagari mempunyai ompek suku, dalam suku bebuah porut, kampung betuo, rumah bertungganai).

Masyarakat Adat Pepatih terbahagi kepado tigo kumpulan utamo iaitu Porut, Suku dan Luak. Porut adolah unit sosio-politik yang terkocik di mano anggoto sosuatu porut itu adolah berasa daripado moyang (keturunan perempuan) yang samo. Mereko ini sangat rapat dan lazimnyo tingga di sesuatu pekampungan atau kawasan yang samo. Setiap porut mempunyai seurang ketuo yang digolar Buapak. Buapak ini dipilih oleh anak-anak buah di dalam sesuatu porut berkenaan.

Kumpulan yang keduo ialah suku. Suku dibontuk oleh beberapo porut yang menjadikan keluago bekenaan semakin bosa. Suku diketuai oleh seorang ketuo yang digolar To' Lembago.

Kumpulan ketigo ialah Luak. Luak adalah unit kawasan pentadbiran dari sogi adat di mano ado ompek luak utamo iaitu Rembau, Sungai Ujung, Johol dan Jelebu. Setiap luak diketuai oleh seorang Undang. Selain daripada ompek luak utamo ini ado satu lagi luak yang kelimo dipanggil Luak Tanah Mengandung. Luak Tanah Mengandung ini adalah terdiri daripada lima luak kocik di Seri Menanti iaitu Luak Inas, Luak Ulu Muar, Luak Gunung Pasir, Luak Terachi dan Luak Jempol. Setiap luak kocik ini ditadbirkan oleh sorang ketua yang bergelar Penghulu Luak.

Adat Pepatih ini diwariskan dari generasi ko generasi melalui kato-kato perbilangan. Io merangkumi pelbagai aspek kehidupan masyarakat termasuk soal harto pesako, perlantikan pemimpin, hukum nikah kahwin, amalan bemasyarakat, sistem menghukum mereko yang melanggar adat atau melakukan kesalahan dan pelbagai aspek lagi. Setiap peraturan atau adat itu ado perbilangannyo dan setiap peraturan itu ado rasional atau sobab-sobab terjadinyo hukum atau adat itu.

Perlantikan pemimpin, misanyo, banyak yang menyamokan sistem Adat Pepatih dongan amalan demokrasi. Contohnyo ialah perlantikan Yang DiPertuan Besar Negeri Sembilan di mano bukannya melalui keturunan dari bapo ko anak tetapi adalah melalui pemilihan oleh Undang Luak yang ompek iaitu Undang Rembau, Undang Sungai Ujung, Undang Johol dan Undang Jelebu. Ompek undang ini akan bermesyuarat untuk melantik salah seorang keturunan dari raja Pagar Ruyung untuk menjadi Yang DiPertuan. Undang Luak pula dilantik oleh Dato'-Dato' Lembago di luak (daerah) masing-masing. Dato' Lembago ini pulo adalah pemimpin-pemimpin yang dilantik secara muafakat oleh pemimpin-pemimpin keluargo yang digelar Buapak. Oleh itu secara keseluruhannyo kuasa melantik pemimpin itu sebonanyo berado di tangan rakyat biaso. Inilah satu sistem Adat Pepatih yang ada persamaan dengan demokrasi.

Sakali aia gadang
Sakali tapian barubah
Namun aia kailia juo sakali gadang baganti
Sakali peraturan barubah
Namun adat baitu juo

(sekali air besar, sekali tepian berubah, namun air ko hilir juga, sekali besar berganti, sekali peraturan berubah, namun adat begitu juga).

Adat Pepatih ado limo prinsip utamo
1. Keturunan dikiro melalui nasab ibu: Adat Pepatih memberi keistimewaan kepada perempuan yang dianggap bondo kandung iaitu ibu yang melahirkan anggoto-anggoto masyarakat. Seseorang individu itu adalah anggoto suku ibunya dan bukan anggoto suku baponyo
2. Tompek Kediaman adolah di kawasan ibu isteri: Apobilo belangsungnyo sosuatu perkahwinan, si lelaki akan meninggalkan kampung halamannyo dan menotap di kawasan ibu isterinya sebagai orang semonda. Pado zaman dahulu si lelaki akan mengusohokan tanah keluarga isterinyo
3. Perempuan mewarisi pesako, lelaki menyandang sako: Hanya lelaki sajo yang berhak menyandang sako (jawatan-jawatan dalam adat) manakalo perempuan adolah mewarisi harto pesako keluarga ibunyo
4. Perkahwinan soporut atau sosuku adolah dilarang: Dalam sosuatu porut dan suku, hubungan adolah rapat dan si lelaki menganggap perempuan dalam porut atau sukunyo adalah sedaro perempuannyo. Begitu juo sebaliknyo. Oleh itulah perkawinan sesamo suku ini adolah terlarang. Perempuan yang berkahwin sesamo suku akan hilang haknyo untuk mewarisi harta pesako ibunyo manokala lelaki pulo akan hilang hak untuk menyandang sebarang jawatan dalam adat
5. Orang luar boleh menjadi ahli sosuatu suku: Untuk tujuan perkahwinan atau waris mewarisi, dibonakan orang luar untuk menjadi ahli sosuatu suku dengan caro melalui upacara bokodim. Dalam upacaro ini seseorang itu akan bersumpah taat setio dan besaudaro dengan ahli-ahli suku yang akan disertainyo

Baribu nan tidak lipuah, jajak nan indak hilangSatu ajaran yang tetap berkesan, yang diterima turun temurun.

Hari paneh kok tak balinduang
(hari panas jika tidak berlindung, hari hujan jika tidak berteduh, hari kelam jika tidak bersuluh, jalan lengang jika tidak berteman).

Pembahagian harto
Selalu menjadi topik pedebatan hangat mengenai Adat Pepatih adolah mengenai pemberian harto pesako yang memborian kelobihan kepado perempuan. Inilah satu-satunyo isu dalam Adat Pepatih yang solalu disalah fahaman. Sebonar eh, pemberian pesako yang dimaksudkan dalam adat ini ialah pemberian tanah adat. Tanah adat ini adalah tanah yang turun temurun daripada nenek moyang sesuatu keluargo. Sobabnyo tanah adat ini diberikan kepada perempuan ialah semato-mato untuk menjago kehormatan dan maruah kaum wanita Adat Pepatih. Maksudnya, seorang wanita Adat Pepatih walau betapo miskin dan papa pun, dio tidak akan merempat atau menjual maruahnyo untuk hidup. Jiko dio pulang ko kampungnyo dio sudah ado tanah kampung dan sawah untuk dikojokan sebagai penyambung rezeki. Manokalo anak lelaki pulo dianggap lobih toguh dan tahu untuk torus berusoho untuk hidup (survival). Akan harto atau tanah yang diperolehi sebagai harto sepencarian mako pembahagiannyo adalah menurut hukum faraid (tidak ada kena mengena dengan tanah adat yang hanya untuk perempuan sahaja).

Terdapat juga golongan dari suku minagkabau (keturunan Raja Perba) yang terpakso bepantang, mereko dilarang memakan robung dari buluh betong, tidak boleh makan kerbau balau dan tak boleh kono daun selinsing.

Hari hujan kok tak bataduah
Hari kalam kok tak basuluah
Jalan langang kok tak bakawan

Read More »

Adat Pepatih Posted by mamBang on 14:17 No comments

Kedatangan Adat Pepatih di N.Sembilan

Sejarah kedatangan adat Pepatih ko N. Sembilan adalah berkaek rapat ngan kedatangan peneroko-peneroko urang Minangkabau kerano penyerapan adat itu ko dalam masyarakat di sini selareh dongan kedatangan mereko. Penduduk N.Sembilan kebanyakan mereko berasal dari Ranah Minangkabau di Sumatera Barat. Apabila mereko berhijrah ko negori ni, mereko bawo samo caro hidup dan warisan kebudayaan yang diamakan di negeri asal mereko.

ASAL USUL ADAT PEPATIH
Adat Basandi Syarak, Syarak Basandi Kitabullah.

Menurut sejarahnyo, Adat Pepatih berasal dari Pagar Ruyung Minangkabau, Sumatera Barat, Indonesia. Di namokan Adat Pepatih sempono namo urang yang menyusun dan membuek peraturan adat tersobut. Adat Pepatih di bawo ko Negori Sembilan oleh urang Minangkabau yang merantau ko Tanah Melayu.

Menurut ceritonya, beratus tahun dulu di Negeri Padang Luas, Pagar Ruyung Minangkabau ada duo urang adik beradik yang soibu tetapi berlainan bapa. Yang tua benamo Temonggong atau Datok Temenggong dan adiknya bernamo Pepatih Nan Sebatang atau Datok Pepatih. Bilo keduonyo sudah dewaso mako mereko pun mewarisi pemerintahan negeri Padang Luas.

Walaupun mereko adik beradik tetapi berbezo pendapek terutamo dalam caro pemerintahan. Kerano perbezaan pendapek itu menyobab an selalu bobalah Tok Temonggong ngan adik eh Tok Pepatih. Untuk mengelak tojadinyo pegaduhan mako negori Padang Luas terpakso dibahagi pado duo pemerintahan. Tok Temonggong memerintah bahagian pesisir pantai manakalo Tok Pepatih berkoso di bahagian daratan. Kawasan pemerintahan Adat Temenggong memakai adat yang disusun Tok Temenggong manakalo Adat Pepatih memakai adat yang di susun oleh Tok Pepatih.

Antaro Adat Temenggong dongan Adat Pepatih terdapat perbezaan terutamo dalam soal pembahagian harto pesako. Bagi Adat Temenggong, lelaki lebih banyak mendapek bahagian harto pesako daripada perempuan manakalo Adat Pepatih menyorahkan segalo harta pesako kepado anak perempuan.

Pado suatu hari anjing Tok Pepatih tolah menggigit kaki Tok Temonggong. Akibat eh anjing tu dipukul oleh Tok Temonggong sehingga mati. Ini menimbulkan kemarahan Tok Pepatih. Dia copek bejumpo Tok Temonggong.

"Bukankah peraturan dalam adat temenggong mengatokan , sapo menggigit dio kono gigit?" tanya Tok Pepatih pado Tok Temonggong. Dio merujuk pado adat Temenggong yang mengatokan sapo yang membuek jahek dibaleh jahek yang samo juo.

"Memang bona!" jawab Tok Temonggong.

" Kenapo bilo anjing menggigit kaki awak pukul sampai mati? Sepatut eh bilo anjing tu menggigit kaki awak maka awak gigit pulo kaki anjing tu," baleh Tok Pepatih.

Mendonga kato-kato itu, Tok Temonggong meraso marah lalu berlakulah cabar mencabar antaro keduonyo. Untuk mengelakk an sengketo bepanjangan mako keduonyo besetuju meninggalkan negori Padang Luas untuk membuko negori baru.

Mako Tok Pepatih dan Tok Temenggong pun menyediokan bahtoro masing-masing untuk belayar meninggalkan negori Padang Luas. Konon ceritonyo, bahtoro Tok Temenggong selamat dilancarkan ko laut dan torus belayar. Manakalo bahtoro Tok Pepatih tidak mahu dilancarkan ko laut. Walupun rakyat jelato di suruh beramai-ramai menolak bahtoro tu namun tidak jua dapek bergorak.

Pada malamnyo Tok Pepatih bermimpi bahtoro yang bernamo "Geliong Panjang " tu tidak dapek dilancarkan kerano tolah diduduki oleh "Jin Sakti Muno". Untuk melancarkannyo mako terpaksolah digalangkan di bawah bahtoro tu seurang perempuan bunting sulung (mengandung sulung).

Mako pado keesokan harinyo Tok Pepatih menyuruh urang-urangnyo mencari perempuan bunting sulung. Setelah pueh mencari diserato negori Padang Luas itu mako akhirnya didapati hanya ado duo urang sajo yang sodang bunting sulung iaitu anak Tok Pepatih sendiri dan anak saudaranya yang bernamo Puteri Seri Banun. Adapun Puteri Seri Banun seorang yang baik hati dan sanggup berkorban dengan menawarkan dirinya menjadi penggalang kepado bahtero bapo sedaranyo itu.

Mengikut cerito selanjut eh, Puteri Seri Banun yang sodang bunting sulung itu pun dibaringkan di bawah bahtoro itu sebagai penggalangnyo. Kemudian urang ramai menolak bahtoro itu ko air. Tetapi dongan takdir Tuhan, ketiko bahtoro itu ditolak oleh urang ramai mako satu keajaiban bolaku di mano bahtoro itu terangkek sendiri lalu masuk ko dalam laut. Ado yang pecayo Jin Sakti Muno yang mengangkek dan menolak bahtoro ko laut kerano syarat tolah diponuhi. Dongan ini terselamatlah Puteri Seri Banun dari menjadi korban bahtoro tesobut. Dan sebaik sajo bahtoro itu berjayo dilancarkan mako Seri Banun pun melahirkan seurang anak lelaki lalu di beri namo Batin Menggalang.

Setolah lamo belayar akhirnya Tok Pepatih sampai ko Negeri Sembilan lalu mereko pun mencari kawasan yang sesuai untuk membuko negori. Setolah perkampungan baru berjayo diwujudkan mako Tok Pepatih telah menyusun semulo adat Pepatih untuk disesuaikan dongan keadaan setompek. Antaro peraturan baru yang diguno pakai oleh Adat Pepatih ialah segalo harto pesako ondaklah disorahkan kepado anak perempuan. Ini sebagai mengonang jaso Seri Banun yang sanggup menjadi penggalang bahtoro Tok Pepatih, berkorban untuk bapa sedaronya Tok Pepatih.

Bak kato pepatah

Yang kurik kundi yang merah sago

Yang baik budi yang indah bahaso

Yang baik budi yang dikorah tenago

Yang asyik puji yang mogah harto

Yang tarusik diri yang rosah jiwo

Yang carik hati yang basah mato

Read More »

Stim Udang II Posted by mamBang on 12:40 No comments

Ada orang tanyo esey apo ko buek ngan udangs haritu. Esey cakap nak buek masak sambal. Smalam esey tipon omak tanyo camano nak buek sambal pulut kuning tu. Uish omak esey buek sambal tu menganek. Putuih hongap dek eh kalau makan.

So..esey pon cubo yo laa tompi cari cili boh tak jumpo laks. Tah mano istri esey lotak. aDoYai abish camano nih. yang lelain sumo dah siap. Cili eh plak takdo.

Ahhh..belasah jo laa tak buboh cili, tompi tak sodap laa tak podeh. Tompi esey raso satu .. sodap pulak tu. Taktau camano anaks raso nanti. Dorang memang suko udangs. Harap² dorang suko laa eh.

Bak kato Zizan .. eDen Torai .. aHaks

Read More »

Stim Udangs Posted by mamBang on 21:51 No comments

Esey stim udangs .. hehehe bukannyo nak ngurat udang tu doh, cumo eh nak mikat udangs .. aPo yo laie .. esey mancinglaa haa.. umang ai osah stim eh hahaha

Ni laa kolam eh kek Bt 9 Langat Cheras

1st hour tu.. goram eh tak dapek sekor pon. Esey ajak Lan tuka kolam. Lopeh tu mata kail leh tecabut pulak. Sibaik ado spare .. sambung yo laie.

Lopeh tu mula laa dapek sekor² .. fuish yg gadang eh plak tu. Sopit eh yang gadang. Tak cayo? Aaaa tengok kek bawah ni haa.

Nilaa deh hasil eh .. mancing udang ngan kawan opis esey .. si Lan tu haa, ari nih ari esey bawak balik .. sok² hari dio pulak heehee ..

Uishhhh alahai memang stim esey dibuek eh .. aHaks

Read More »

Minangkabau Posted by mamBang on 04:20 No comments

Apo itu Minang?? Apo itu Minangkabau?? Sobab esey nih orang Minang, kalau nak ikutkan worieh Slomak Pahang sobab ikut an bolah omak esey haa. Bolah abah esey lain suku eh .. Tompi selamo esey nih berdarah Minang, tak ponah pulak esey tau apo disebalik Minang? Yang esey tau apo tu Minangkabau.

Perkataan Minangkabau adolah gabungan duo perkataan, Minang yang bermaksud "Monang" dan kabau umpuk "kerbau". Menurut lagenda, namo ni diamik dari peristiwo perselisihan antaro kerajaan Minang (waktu tu bolun Minangkabau) dongan sorang putro Jawo yang ondak an pengakuan kekuasaan di ranah Minang. Umpuk elak an daripado beporang, rakyat Minang mencadangkan pertandingan adu kobau antaro keduo pihak. Putro tesobut setuju dan menonjolkan sekor kobau yang bosa dan ganeh. Aiyo osah bosa eh kobau Jawo nih gadang anak gajah tu haaa .. tanduk eh melongkung sebolah duo tigo dopo.

Mano nak cari kobau segodang tu kek ranah Minang. Puehlak ke sanun ke mari takdo yo nak celen kobau Jawo tu. Pueh dek eh. Kalau korang pon agak eh buntu yo tak. Apo aka eh? Akhirnyo ateh nasihat Tok Pepatih Nan Sebatang tu, digunokanlah sekor anak kobau yang lapar tak dibagi makan minum 3 hari. Dilokek an pulak sundang mato duo yang amat tajam kek kepalo anak kobau tu. Masa pertandingan, dilopehkan anak kobau lapar tekuak-kuak nak minam. Ayo lapar bona laa kan.

Sundang

Kobau Jawo nih tak pulak sampai hati nengok an anak kobau. Yang si anak kobau ni pulak tengok kobau Jawo tu ingek eh ibu eh..menonong toruih celapak colah klangkang kobau Jawo nak minam haus lapar. Di biar eh dek kobau Jawo nih. Apo laie sodapla anak kobau nih nyonyot tolo kobau Jawo, ingat eh susu ibu eh.

Korang ponah tengok camano anak kobau, kambing atau lombu nyusu tak? Di agah², disondol² kepalo eh bilo nyusu. Apo laie dirodok sundang ke porut kobau Jawo tu nak cari puting susu tompi yang dikicap eh tolo kobau Jawo..heehee. Tebolah-tebolah porut kobau Jawo tu dikojokan. Last skali mampuih kobau Jawo tu.

Putro Jawo tu tak puehati. Kato eh orang Minang main cenekey. Apo pulak. Kobau Jawo tu umang aih gadang usah koba an. Tanduk eh yo sebolah duo tigo dopo. Kalau duo tanduk camano lebar eh, melongkung lak tu. Kobau Minang alahai kocik tet yo, tanduk eh pon satu yo. Last skali putro Jawo tu ngaku kalah. Selamatlah ranah Minang dari ditakluk Jawo.

Sobab tu Minangkabau amik sempono "Menang Kobau". Sebolun tu, panggil Minang yo. Sobab apo dipanggil Minang? Tau tak worieh yang tebaco ni? Sobab monang(menang)? Tau tak nih? Jangan nak mongak kalau tak tau. Gholo dek eh.

Minang diamik dari 2 perkataan iaitu "Kami"+"Menang". Jadilah Minang. Apo bondo eh kami monang nih? Tau tak? Ponah donga tak pepatah Minang - Alon yo laie ado Nabi Muhammad, ranah Minang dah Islam dulu. Camano tu? Kalau dapek ungkaikan .. taulah kito apo makno eh Minang tu. Heehee .. cubolaa tanyokan kalau tak tau. Esey pon baru jo tau haa. Tu pasal esey lotak kek sini .. kito orang Melayu kan .. kono tau sapo kito, usahlah nak raso rondah diri laie dari bangso lain yo.

Read More »

Ondak Refleks Posted by mamBang on 17:33 No comments

Korang ado raso nak pitam? Ado darah tinggi? Koncing Manih? Kalu tawar takpo doh. Ado sakit jantung? Ado raso ndak seleso? Yang paling kian kini eDen tengok an .. tuhaa yang Muhammad Ali kono tu, satu dunio dio poie cari ubek eh, ndak do yo dapek. Apo namo eh .. Parkinson. Insya Allah dapek yo diubek an dengan Refleksologi. Refleksi caro bori tokanan kek kaki ngan tangan, khusus dan teknik tangan tanpo guno minyak, krim atau lotion berdasarkan sistem zon dan daerah refleks yang menceghominkan imej tubuh pada kaki dan tangan dongan premis bahawo kosan bekojo perubahan fizikal dalam tubuh. INI KURANG TOPAT!

Apolak eDen kato kurang topat? Kalau toruih kito guno an ibujari, berkemungkinan kito akan melecet an kulit, bertoruihan menusuk akan membuko sorat² otot dan menyobabkan angin melomahkan struktur sorat itu sendiri. Sebelum kito pergi lobih jauh, eDen ndak mau menokankan pado kobenaran tulisan eDen ni. Kerano pelajaran itu mereko ambik, ado yang belajar dari orang yang memang khusus dalam refleksi ini dan ado yang belajar dari buku dan ado yang belajar dari tengok² dan ado yang kononnyo tahu apo itu refleksi. Tau tak refleksi yang paling tinggi ponah eDen dongar adolah memogang anggoto badan yang sakit tanpo memicit, menokan, tompi cukup sekadar menyapu dengan tangan di tompek yang sakit. Bak mengolap air ateh mejo ngan kain dan dicampak buang. Itulah refleksi tahap tinggi yang hanyo bergantung pado hakikat manusio dan makrifatullah.

Apa untungnya buek refleksi ni? Beberapo jonih penyakit dapek diubati seperti Ghout, Darah Tinggi, Lumpuh, masalah Jantung, Paru-paru, Buah Pinggang dan yang terkini adolah penyakit Parkinson serto beberapo penyakit lagi. Cumo yang ndak buleh eh Pak Aries tu kato .. yang takdo tangan ngan kaki yo .. heehee

Akan eDen kombangkan sikit² pasal refleksi ni sobagai pengetahuan umum jo. Kalau nak tahu lobih silolah bertanyo pado pakar reflexologi .. kalau bonar orang itu pakar, bukan ikut²an, bukan baco pado buku. Kalu nak tanyo kek mano kek eDen .. buleh eDen rekomen an pado orang yang dah 30 tahun pengalaman eh .. namo eh Pak Aries Chan. Orang Minang juo .. woghieh heehee

Read More »

Curahan Hati Posted by mamBang on 12:45 No comments

Curahan hati Nyai indon kepada lovernya dari down under...crocodile dundee... Mbak Sum menulis surat dengan berbekal kamus Bahasa Inggris dan pengetahuan yang seadanya

Berikut isi suratnya..hi John together this letter I give know you

(hai John bersama surat ini saya ingin memberitahumu)

I want cut connection us

(saya ingin memutuskan hubungan kita)

I think very cook cook all

(saya pikirkan masak-masak)

I know love my only clap half hand

(saya tau cintaku hanya bertepuk sebelah tangan)

correctly I have see you play fire with a women entertainment at town with my eyes head alone

(sebenarnya saya telah melihat kamu bermain api dengan wanita penghibur di kota dengan mata kepala saya sendiri)

you always ask sorry back back river

(kau selalu meminta maaf berulang kali)

river that I forgive you, but this river, you correct hurt my liver

(kali itu aku memaafkan kamu, tapi kali ini kau benar-benar menyakiti hatiku)

eyes you drop water eye crocodile

(matamu meneteskan air mata buaya)

you correct correct a man crocodile land

(kau benar-benar lelaki buaya darat)

so, I cut connection and pull body from love triangle this

(jadi, saya putuskan hubungan ini dan menarik diri dari cinta segitiga ini)

I cry night-night until no there is eye water more thingking about your body

(saya menangis bermalam-malam sampai tidak ada lagi air mata memikirkan dirimu)

I not want sick my liver for two river

(saya tidak mau sakit hati untuk kedua kalinya)

safe walk John

(selamat jalan John)

from your fruit liver

(dari buah hatimu)

SUMIATI LION ON THE TABLE

(SUMIATI SINGODIMEJO)

Read More »

Hongeh Posted by mamBang on 13:34 No comments

Macam beso .. time kojo shift .. banyak laa pulak ide nak buek. Ponat dek eh .. balik umah hongeh tengok PC pueh porah ide mano poie .. last² amik balik kliping dari FB masuk sini sonang .. santai yo .. kalau baco jangan kekeh bosa bona .. masuk lalat tu karang .. heehee

Read More »

Eppy BesDay eL Posted by mamBang on 01:50 1 comment

Perghhh maso eh tibo laa pulak besday aKoo. Huish semakin tuo sunti dah ni. Pado kengkawan sedaro maro adik abang omak ayah, timokasih tak tehinggo. Tak dapek nak koba an camano cumo eh .. aKoo buat list yang ucapkan kek aKoo

Yang ni kengkawan yang awal laie ucapkan, timokasih yo .. hadiah eh nanti aKoo claim.

Pada Yusaini, walaupon ko ucapkan awal 2hari .. tp aKoo suka heehee.

Pada Kassim, next time kita Qolabulmalami lagi ek

Pada geng² opis, apsal korang tak tido lagi eK .. erm lagipon marah akak aKoo korang panggil aKoo abglong hahaha .. aKoo 2nd in da famili doe .. never mind .. Toche² pada ucapan korang .. erK ucapan jew ker .. hadiah tarak kaa .. iPad 2 ker .. sTereng momo ker .. minyak lintah ker .. heehee .. TQ².

Nih aKoo hapdet skit lagi .. tadi balik dari kojo ado yo laie ucapan .. Pado smuo .. geng opis, geng YM, geng sKe², geng bas skulah, geng XKPP .. best² smoga korang smuo eh panjang umo n murah rejoki juo .. Amin ..samo² laa kito yo .. ampun mahap dari aKoo pado korang sumo

Spesel timokacih aKoo pado famili aKoo, anaks walaupon guno duit skulah .. sompek yo boli hadiah abah eh .. erm alahai .. jam tu aKoo punya kay .. me beloved wife hadiah an .. alahai ..

Thank you my beloved wife Mimi and anaks .. Aalya n Adyla .. Luv U oLs deep in me Heart .. Tuhan Allah aja yang tau

Read More »

Kah Kah Kah Posted by mamBang on 07:42 No comments

Masuk yo opis, akak nih dah bagi aKoo tokotoki. aYo tak senegheh boto.

Toko 1

Kenapo penggali kubo tak pakai kasut?

Toko 2

Kenapo Siput Babi gorak toinsut-insut?

Toko 3

Pokok apo semuo orang takut bona?

Jawapan eh jobo jo, tompi lojik eh tu yang buek kito tekikik. Sangap tak abish laie dah buek lawak pagi. Kensel toruih nak tido kojap. heehee

Yang si siput ni konapolaa poie pikir dio eh tu siput ko atau babi ko. Ish kan jobo eh tu. Haa golak! Penggali ni osah eh gali kubo pakai cangkul, kalau pakai kasut bilo nak abish. Iyo tak yo eh kan. Hah yang satu laie .. bilo kito tengok pokok, raso damai jo kan. Tompi bilo pokok tu nak tumbang, osah eh abish sumo lari lintang pukang. Menakutkan jo kan..kan..kan.

Tu laa deh lawak pagi. Buek buko mato nan ngantok ni haa ..

Read More »

SepupuKu Kahwin Lagi Posted by mamBang on 07:58 No comments

Heehee .. poyos jo tajuk eh. Tompi tula deh. Sorang lagi sepupu aKoo nikah. Dah susah nak cari kawasan lapang kek KL nih. Sonang odar yo dewan. Lokasi Pandan Indah. Venue Dewan Ampang Jaya.

Akoo poie pon dah kul 1pm. Tu pon bukan apo. Tunggu omak ayah aKoo sampai dari Somban. Lopeh diorang buek inspeksen umah aKoo, lepak² kono air mineral secawan duo. Maklumlah orang umah balik SP ado sepupu dio betunang. Dio kono jadi mekap artis..chewah tak kuasa mak..nyah. KahKahKah.

Omak ayah, adik aKoo drive .. aKoo naik moto C70. Jangan sangko moto ni lamo, nilaa moto yang bawak aKoo poie kobun kek Changlun, poie umah Tok Ngah besilat kek Air Itam, banyak jaso eh. Nanti aKoo cito an pasal moto ni jo.

Sampai jo kek Dewan MPAJ, kami disambut sanak saudaro. Biasola ayah aKoo besembang lamo baru masuk ko dalam dewan. Pueh peratikan barulah kami duduk kek mejo dopan pintu masuk. Menarik gak walaupon dalam dewan jo. Pelamin eh lawa osah jauh eh dari tompek kami duduk. Nampak kocik jo.

Macam beso, aKoo makan tambah lagi, laparlaa kato eh dari pagi tak makan. Sajo simpan memang untuk makan kenduri ni. Lauk eh sodap² tompi ayam eh koreh skit. Bolun ompuk bona. Yang lain seteL. Air minam sirap limau jo tompi bolun abish laie dah kono cokup dek penanggah. Kono amik yang lain. 4 goleh abish hahaha.

Pengantin tibo lambek, tompi cantik .. purple in color (Kato org Jamaica laa). Adik aKoo sorang lagi tibo lobih kurang samo time ngan pengantin. Bekampunglaa kami kek mejo tu. Lamo tak sembang macam tu. Kalau ado Teh Koya pon menganek raso eh. Akak aKoo tak dapek samo, dio ado kenduri kek Kg Tg Ipoh. Bukan kek Ipoh tompi kek halo KPilah nuhaa. aDik laki sorang laie balik Ipoh. Yang ni boto kek Ipoh. Yolaa cuti CNY lamo, laie pon dio lamo tak jongok bolah sanun. Biarlaa dio.

Haa .. gamba yang last nih kiro istimewo cikit. Nak tau sapo deh? Diolah dulu konduktor bas United, bas paling lamo Pilah-Somban. Skarang nih tak laie, nonggok kek umah yo. Sapo ponah naik kona gak eh, orang panggil dio Bisu. Memang dio bisu pon toruih lokek namo eh Bisu. Nilah pak sedaro aKoo. Sompeklah dio pow aKoo Suria stabang. Heehee goli pulak aKoo dio isap sorok². Agak eh akak² eh tak bagi dio rokok. Ontahlaa

Selosai satu perkaro, mak aYah poie ko Tmn Melati tu singgah umah adik. aKoo toruih balik umah. Lopeh seround main Zynga Poker, mato dah layu. Penangan nasi minyaklaa tu. aKoo pon poie robah an diri kek sofa .. zzzzzz

Read More »

Menapaki Kuala Selangor Posted by mamBang on 16:04 No comments

Potang smalam, aKoo nonggok kek Pos Pengawal kek Tmn Melati, satu lorong jalan ngan Balai Bomba situ. Bukan apo, sajo nunggu kawan opis aKoo, Roslan amik. Lopeh tu kami poie pulak ko Setiawangsa amik pulak aBg Khalid. Tujuan kami ko Kg Assam Jawa di Kuala Selangor. Ehmm tak sampai pon laie ko K Sgor tu umah eh.

Lopeh tu Roslan amik H'way Duke lalu ikut Damansara halo ko Puncak Alam. Bukan apo pon smalam kan CNY, jalan tak sosak do. Kalu tak jangan harap dapek ikut jalan tu. Jem memanjang. Skojap yo dah sampai Puncak Alam, stongah jam jo. Selopeh kami tompuh Meru, Kapar, kami singgahlah kek Pantai Remis. Eh bukan yang kat Perak tu. Yang ni PRemis KSngor. Iyo ado. Tak cayo? Tengok gamba bawah ni.

Tujuan eh cumo nak makan seafood bakar. Roslan kato sodap² situ. aKoo ikut an yo. Bukan aKoo drive, dio eh .. so jangan bantah, kalu tak kono jalan kaki payah yo nanti. Tompek eh kalu taktau memang tak nampak coz simpang masuk eh kocik yo. Kalu laju memang telopeh. So bilo sampai tu, kami carilah parking.

Sambil pusing² tu aKoo snap kodai niha plak. Banyak jual ikan lago. Arnab pon ado. Pusing punya pusing, takdo parking. Rupo eh hari cuti CNY ni ramai pulak orang balik kampung. So ramai yang singgah kek sini. Nak tak nak terpakso kensel, halo nak keluar tu bederet kreto masuk. Osah jem kek situ. Kami pon toruih an laie, singgah kek Medan Selera bedopan dongan Wisma Peladang K Selangor. Roslan ngan aBg Khalid order makan, aKoo order Lemon Tea jo. Tadi dah makan kek umah adik. Konyang laie.

Kami toruihla ko tujuan destinasi kali ni. Dari tompek makan tadi kami tompuh 2 jejantas. Lopeh yo Tmn Selesa bolah kanan, Roslan slow an kreto cari tiang lampu jalan dalam kawasan rumah orang. Ado jalan masuk toruih ke laman umah. Memang ado tiang lampu tu.

Nila rupo eh orang yang kami nak jumpo. aKoo 1st time jumpo jadi tak konalaa sangat. Roslan ngan aBg Khalid dah banyak kali repeat jumpo orang ni. Kami panggil WaK jo. Sonyum jo orang eh. Pandai melawak pulak tu. Dio bawak kami ko bahagian belakang umah eh. Ado 3 orang dah nonggok dalam rumah belakang tu.

Jadi aKoo akan jadi orang ko 4 ngadap Wak tu nanti. Apo yo laie ondak an kek Wak nih. Overhol enjin laa heehee.

Read More »

Takleh Tido Posted by mamBang on 02:28 No comments

Pagi ni eden nak menulih dalam bahaso minang N9 pokan .. kalau guno bahaso Minangkabau .. ghaso eh tak ghamai orang N9 yang tau gak .. al maklumlaa dah jauh bona dari Pagaruyung nu haaa. Dah lamo tak menulih blog ni .. traso kekok plak.

Setolah berhompeh puleh menopok mymimi tido .. eden kelua bilik. Tak bulih tido .. apo laie nak buek. Mandang jola monitor pc nihaa. Tekonang pulak eden ado blog. Manyak blog eden .. manyak tak siap. Ado yang dah siap tompi eden privetkan .. rahsio negaro tu. Negaro mano ontahlaa.

Eden selalu yo mandang monitor .. tak kek ghumah .. kek opis. Tu yang payah naa nak lolap. Kato arwah atuk eden .. Jon Meketer (John Mc Arthur) kato tu dah kono insomnia. Memang susah nak lolap. Tompi bilo siang sonang yo pulak tu. Laie sonang kek opis kalu kojo siang. Shian kastemer eden .. pueh nunggu eden jawab .. rupo eh eden tido pogang tipon. Banyak kali dah telopeh tipon tu .. teramang eden toruih menaip tah apo² kek PC.

Pagi tadi bangun toruih besiap .. cewah lawa anak omak ni laie .. poghut yo kedopan dah .. nak buek camano dah 10 tahun tingga an Gym .. uish dulu bekoto badan. Sekarang tingga sekoto bosa kek poghut .. umang ai .. macam mengandung onam bulan. Ish kojap .. nak poie amik minuman .. dahago pulak eh.

Emm sodap pulak ghaso eh .. tompi eden suko 3+1 yang paneh eh. Maleh nak bancuh.

Oh yo .. pagi tadi ngan ensem eh .. eden balik Pilah .. toruih Jemapoh jongok adik sepupu anak Pak Ngah kawin. Tak poie osah nayo dek eh. Mano tak eh Pak Ngah jadi oghang pangka maso eden nikah dulu. Ayo kalau tak sampai .. memang kono seligi heehee.

Godang jo Adam tukan. Wife eh cinonit yo. Tompi kalau ditengok an memang padan .. belen kato orang eh laa. Sok² abish sumo eh kono sodut .. kocutlaa Adam tu gak eh .. pindah ko Linda heehee. Balik dari sanun .. singgah pulak kek Tmn Cin Yoo di pokan Pilah. Ado Kak Fadhilah nyambut menantu . Singgah kojap sangat .. jumpo tingga an posan bebudak opis nuhaa.

Lopeh tu toruih balik .. ujan ronyai jo .. tompi beso eh jalan Somban Pilah ni memang jem kalau hari cuti. Osah memang jem eh dari Pilah sampai Terachi. Rupo eh ado kenduri kek sebolah Klinik Terachi tu. Eden tau umah tu .. ada sangkut paut gak tompi eden tak singgah. Lopeh yo dalam 5Km ado yo laie jem sampai ko Ulu Bondo .. ish bilo lalu ado eksiden.

Yang ni lopeh tompek eksiden tu, shian yo oghang nak balik kampung, jalan luruih pon buleh eksiden. Dah nasib badan. Ni nak bagi petuo sikit buek bekalan jo .. eden ni takla ghoti sangat tompi cubo jo kalau takdo .. apo salah eh kan. Bilo nak ko sesuatu tompek tu macam nak balik kampung ko, cubo bayangkan kawasan kampung tu, kalau tak dapek besorah jo, baco bismillah, selawat yo jangan lupo pastu bawaklah sambil niat kek Tuhan solamat perjalanan. Kalau tau doa apo² baco laa .. semugo solamat perjalanan.

Sampai dokek umah, singgah boli goreng pisang, paneh laie. Anak kato taknak, tapi diorang yang habishkan hahaha locot. Ponek drive eden tetido kek sofa.....zzzz

Read More »